ಧೃವತಾರೆ

ನಿನ್ನೆ ನಿನ್ನ ಕಣ್ಣೋಟ ಕಂಡಾಗ ಹಿರಿ ಹಿರಿ ಹಿಗ್ಗಿದ್ದೆ
ಅದು  ನನಗೆ ಮೀಸಲೆಂದು ....
ಅನಿಸಿತ್ತು ನಿನಗೂ ಒಲವು ಮೂಡಿತೆಂದು ....
ಅದರೆ  ಅರಿತೆ ನಾನಿಂದು ....
ನಿನ್ನ ಕಿರುಗಣ್ಣಿನ ನೋಟವನ್ನು ನನ್ನೆಡೆ  ಎಸೆಯಲಿಲ್ಲ ...
ಅದು ಹುಡುಕುತಿತ್ತು ನಿನ್ನ ಮನದ ಇನಿಯನನ್ನು ..
ನನ್ನ ಒಲವನ್ನು  ತಿರಸ್ಕರಿಸಿ ....

ಆಗಲೇ ತಿಳಿದಿದ್ದು ನನಗೆ..........
ನೆಲದ ಮೇಲೆ ನಿಂತಿರುವ ಹುಡುಗ ನಾನು
ಧೃವತಾರೆ ಕೈಗೆ ಎಟುಕುವುದಿಲ್ಲವೆಂದು 

ನಿನ್ನ ಕುಡಿನೋಟ

ಮುದ್ದು  ಹುಡುಗಿ ....... !!!
ಮನಸ್ಸೋತೆ ನಾ ನಿನ್ನ ಮುದ್ದು ಮುಖವನ್ನು ಕಂಡಾಗ
ಕಣ್ಣಂಚಿನ ಕಿರುನೋಟ ನನ್ನೆದೆಯನ್ನು ನಾಟಿತ್ತು ಮನ್ಮಥನ ಬಾಣದಂತೆ
ಕಾರ್ಮೋಡ ತುಂಬಿದ್ದ ನನ್ನೆದೆಯ ಬಾಂದಳದಲ್ಲಿ ಕೋಲ್ಮಿಂಚಿನ ಬೆಳಕಂತೆ ಪಸರಿಸಿತ್ತು ನಿನ್ನ ಕಣ್ಣೋಟ ..!!
ಪರವಶನಾದೆನ ಆ  ಕಣ್ಣೋಟಕ್ಕೆನಿನ್ನ ಕಂಡ ಮೊದಲ ದಿನವೇ ..!!!

ಮನಸ್ಸೇಕೋ  ಮತ್ತೆ ಮತ್ತೆ ಸೋಲುತ್ತಿದೆ ನಿನ್ನ ಕುಡಿನೋಟ ಎದುರಿಸಲಾಗದೆ ...
ಆ ಸೋಲಿನಲ್ಲೂ  ಸುಖವ  ಹುಡುಕುತ್ತಿದದೆ ಈ ಹುಚ್ಚು ಮನಸ್ಸು.. !!
ಸಾವಿರ ಸಲ ಬೇಕಾದರೂ ಸೊಲುವೆನು ನಿನ್ನ ಕಣ್ಣೋಟ ಎದುರಿಸಿ
ಆ ಸೋಲಲ್ಲೂ ನನ್ನ ಗೆಲುವಿದೆ ನಿನ್ನ ಕಣ್ಣು ನನ್ನದಾಯಿತೆಂದು ... !!!

ಹುಚ್ಚು ಕುದುರೆಯಂತಾಗಿದೆ ಮನಸ್ಸು ನಿನ್ನ  ಕಣ್ಣೋಟದ  ದಾಳಿಗೆ ಸಿಲುಕಿ
ಬಾ ತಡೆದು ನಿಲ್ಲುಸು ಈ  ಮನಸ್ಸೆಂಬ ಹುಚ್ಚು ಕುದುರೆಯ ನಿನ್ನ ಭಾಹುಬಂದನದಲ್ಲಿ ...
ಶರಣಾಗುವೇನು ನಿನ್ನ ತೋಳಲ್ಲಿ  ನಿನ್ನ ಕಂಗಳನ್ನೇ ನೋಡುತ್ತಾ ... ..!!!
ಕೊನೆಯಲ್ಲೊಂದು ಸ್ವಾರ್ಥ ನೀ ಕೇಳು ಹುಡುಗಿ
     ನನಗಾಗೆ ಮೀಸಲಾಗಿರಲಿ ನಿನ್ನ ಕಣ್ಣೋಟ ಸಾವಿರ ಜನ್ಮಕ್ಕೂ ಓ ಗೆಳತಿ !!!!

 

ಕೊಚ್ಚಿ ಹೋದ ಮನಸ್ಸು

ಈ ರಾತ್ರಿಯಲ್ಲಿ ಸುರಿಯುತ್ತಿರುವ ಮಳೆಗೆ ಮೈಯೊಡ್ಡಿ ನಿಂತೆ ನೆನಪಾದೆ ನೀನು 
ಹೃದಯದ ಒಳಗೂ ಸುರಿಯಿತು ನೆನಪಿನ ಮಳೆ 
ಹಸಿಯಾಗಿ ಹೋಯಿತು ಮನಸ್ಸು 
ಗಟ್ಟಿಯಾಗಿಸಲು ಅದೆಸ್ಟೋ ಪ್ರಯತ್ನಿಸಿದೆ
ಕೊನೆಗೂ ಸೋತು ಹೋದೆ ..... 
ಬರುತ್ತಿರುವ ನೆನಪಿನ ಪ್ರವಾಹಕ್ಕೆ ಎದುರಾಗಿ ಈಜಲು ಸಾದ್ಯವೇ ... 
ನನಗೇ ಅರಿವಿಲ್ಲದಂತೆ ಎಲ್ಲಿಗೋ ಕೊಚ್ಚಿಕೊಂಡು ಹೋಗಿತ್ತು ನನ್ನ ಮನಸ್ಸು ದಡವನ್ನು ಹುಡುಕುತ್ತಾ...

ಕಾದಿರುವೆ ನಿನಗಾಗಿ

ಮನಸ್ಸು ಯಾಕೋ ತೊಳಲಾಡುತ್ತಿದೆ ನಿನ್ನ ಕುಡಿ ನೋಟಕ್ಕೆ ಸಿಕ್ಕಿ.
ಮತ್ತೆ ಮತ್ತೆ ನಿನ್ನ ಕಣ್ಣಿಗೆ ನನ್ನ ಕಣ್ಣನ್ನು ನೆಡಬೇಕು ಅನ್ನುವ ನಿನ್ನ ಕಣ್ಣೋಟ
ಸಂಪಿಗೆ ಹೂವಿನ ಸೌಂದರ್ಯಕ್ಕೆ ಸವಾಲು ಹಾಕುವ ನಿನ್ನ ನಾಸಿಕ
ಗುಲಾಬಿಯ ಎಸಳನ್ನೇ ನಾಚಿಸುವ ನಿನ್ನ ತುಟಿಗಳು .
ಬಳ್ಳಿಯಂತೆ ಬಳಕುವ ನಿನ್ನ ನಡು
 ಹುಣ್ಣಿಮೆಯ ಚಂದಿರನನ್ನೇ ನಾಚಿಸುವ ನಿನ್ನ ನಗು
ಓ ಚೆಲುವೆ ಸಿಗಬಾರದೆ ಒಮ್ಮೆ ನೀ ನನ್ನ ಬಾಹು ಬಂದನಕ್ಕೆ ??
ಅಪ್ಪಿ ಮುದ್ದಾಡಬೇಕೆಂಬ ಹಂಬಲ ...
ತುಟಿಗೆ ತುಟಿ ಸೇರಿಸಿ ಮಧುವ ಹೀರಬೇಕೆಂಬ ಅಸೆ
ನಿನ್ನ ಕಾಲ ಮೇಲೆ ಮಲಗಿ ಹುಣ್ಣಿಮೆಯ ರಾತ್ರಿಯಲ್ಲಿ ಚಂದಿರನ ನೋಡುವ ಅಸೆ .....
ಬಾ ಚೆಲುವೆ ಕಾದಿರುವೆ ನಾ ನಿನಗಾಗಿ ...