ಒಲಿದು ಬಾ ಒಲವೆ........

ಬೊಗಸೆಯಲ್ಲಿ ಬಾಚಿ ತುಂಬಿಕೊಂಡಿರುವೆ ನಿನ್ನ ನಗುವನ್ನು
 ನನ್ನ ಹೃದಯದಲ್ಲಿ ....
ಕಣ್ಣಲ್ಲಿ ಕಣ್ಣಿಟ್ಟು ನೋಡು ಒಮ್ಮೆ
 ನನ್ನ ಕಣ್ಣಲ್ಲಿ ನಿನ್ನ ನಗುವಿನ ಪ್ರತಿಬಿಂಬ ...
ಒಲಿದು ಬಾ ಒಲವೆ
ಎದೆಯ ಗೂಡಲ್ಲಿಟ್ಟು ಪ್ರೀತಿಸುವೆ ನಿನ್ನನು
ನಿನ್ನ ನಗು ಮಾಸದಂತೆ ಸಾವಿರ ಜನ್ಮಕ್ಕೂ .........  

ಒಡತಿ

ಭುವಿಗೆ ಬೆಳದಿಂಗಳು ಚೆಲ್ಲುವ ಚಂದಿರನ 
ಮುಗುಳ್ನಗೆಯಂತೆ ನಿನ್ನ ನಗು ..... 

ಇಳೆಗೆ ಅಂದ ನೀಡುವ ಮಾರನ ಬಿಲ್ಲಿನಂತ ಹುಬ್ಬುಗಳು 
ಮಿಂಚಿ ಮರೆಯಾಗುವ ಕೊಲ್ಮಿಂಚಿನಂದದ ಕಣ್ಣೋಟ .. 

ತಂಗಾಳಿಗೆ ಅತ್ತಿಂದಿತ್ತ ತೂಗಾಡುವ ಬಳ್ಳಿಯಂತ ಮುಂಗುರುಳು 
ಸಂಪಿಗೆ ಹೂವಿನ ಅಂದಕ್ಕೆ ಸವಾಲೆಸೆಯುವ ನಿನ್ನ ನಾಸಿಕ 
ಗುಲಾಬಿ ಎಸಳಿನ ಕೆಂಪನ್ನೇ ಬಳುವಳಿ ಪಡೆದ ನಿನ್ನ ತುಟಿಗಳು ... 
ಬೆಲ್ಲದ ಸವಿಯನ್ನು ಮರೆಸುವ ನಿನ್ನ ಗಲ್ಲ 
ಕಿಲಕಿಲನೆ ನಗೆಯಲ್ಲಿ ಗುಳಿ ಬಿದ್ದ ಕೆನ್ನೆಯ ಕಂಡು ಮನಸೋತೆ ಓ ನನ್ನ ನಲ್ಲೆ .. !!

ಕನಸಲ್ಲೂ ಕಾಡುತ್ತಿದೆ ನಿನ್ನ ಮುಖ.......................
ನಾನೇನು ಹೇಳಲಿ ಗೆಳತಿ
ಮೌನಿ ನಾನಾದೆ ಪದಗಳನೆ ಮರೆತು ..!!!

ಬಾ ನನ್ನ ಹೃದಯದಂಗಳಕೆ ....
ಹೂವ ಚೆಲ್ಲಿ ಸ್ವಾಗತಿಸುವೆ
ನೀ ನಡೆವ ಹಾದಿಯಲ್ಲಿ ನಾನೇ ಹೂವಾಗುವೆ
ನಿನ್ನ ಪಾದದ ಅಡಿಯಲಿ ..... !
ಬಾ ನಲ್ಲೆ ಬಾ ............
ಹೃದಯ ಸಿಂಹಾಸನದ ಒಡತಿಯಾಗಿ ....... ಕಾಯುತ್ತಿರುವೆನು ..... !!!